သမိုင်းဝင်အမွေအနှစ် အဆောက်အအုံများ ရေရှည်တည်တံ့ခိုင်မြဲစေရေး ပစ္စုပ္ပန်မျိုးဆက်တွင် တာဝန်ရှိကြောင်း နိုင်ငံတော်သမ္မတ လမ်းညွှန်မှာကြား
နိုဝင်ဘာလ ၇ ရက်၊ ၂၀၂၆
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတသည် ယနေ့နံနက်ပိုင်းတွင် ဆဋ္ဌသင်္ဂါယနာတင် မဟာပါသာဏလှိဏ်ဂူသိမ်တော်ကြီးနှင့် သီရိမင်္ဂလာကမ္ဘာအေးကုန်းမြေသို့သွားရောက်ကြည့်ရှုစစ်ဆေးခဲ့ပါတယ်။
ထိုသို့ကြည့်ရှုစစ်ဆေးစဉ် နိုင်ငံတော်သမ္မတက မိမိတို့နိုင်ငံ၏ သမိုင်းဝင်အမွေအနှစ် အဆောက်အအုံများကို ဘိုးဘွားဘီဘင်များက တည်ဆောက်ထိန်းသိမ်းခဲ့ကြသကဲ့သို့ အဆိုပါသမိုင်းဝင်အမွေအနှစ်များ ရေရှည်တည်တံ့ခိုင်မြဲစေရေးအတွက် ပစ္စုပ္ပန်ကာလတွင် နေထိုင်ကြသည့် မိမိတို့မျိုးဆက်သစ်များတွင်လည်း တာဝန်ရှိကြောင်း လမ်းညွှန်မှာကြားခဲ့ပါတယ်။
