ထားဝယ် ရေဘေးနှင့် မြေပြိုဘေးသင့် ပြည်သူများအတွက် မတည်ငွေ ကျပ်သိန်း ၂၀ နှင့် အလှူငွေ ကျပ်သိန်း ၁,၂၀၀ ကျော်ဖြင့် သရုပ်ဆောင် ဝင့်ယမုံနိုင် ကိုယ်တိုင် သွားရောက်လှူဒါန်းမည်
အောက်တိုဘာလ ၂ ရက်၊ ၂၀၂၆
ထားဝယ်ဒေသတွင် စံချိန်တင် မိုးရွာသွန်းမှုကြောင့် ရေကြီးရေလျှံခြင်းနှင့် လောင်းလုံကျွန်းဆွယ်တစ်လျှောက် တောင်ပြိုမှုများဖြစ်ပွားကာ ကျေးရွာ ၆၀ ကျော် ထိခိုက်ပျက်စီးလျက်ရှိရာ ထားဝယ်သူတစ်ဦးဖြစ်သူ သရုပ်ဆောင် ဝင့်ယမုံနိုင် က မတည်အလှူငွေ ကျပ်သိန်း ၂၀ အပြင် အများပြည်သူ ပါဝင်လှူဒါန်းထားသည့် အလှူငွေ ကျပ်သိန်း ၁,၂၀၀ ကျော်ဖြင့် ကိုယ်တိုင်သွားရောက် ကူညီလှူဒါန်းသွားမည်ဖြစ်ကြောင်း သိရပါတယ်။
အဆိုပါ ကူညီရေးလုပ်ငန်းများအတွက် သရုပ်ဆောင် ဝင့်ယမုံနိုင် က စက်တင်ဘာ ၂၈ ရက်တွင် ဇမ္ဗူသီရိအရေးပေါ် လူနာကူညီသယ်ဆောင်ရေး ပရဟိတအဖွဲ့သို့ ကျပ်သိန်း ၃၀ စတင်လှူဒါန်းခဲ့ပြီး၊ အများပြည်သူထံမှ ကူညီကောက်ခံပေးခဲ့ရာ အောက်တိုဘာ ၁ ရက်အထိ စုစုပေါင်း ကျပ် ၁၂၄,၂၇၈,၀၀၁ (ကျပ်သိန်း ၁,၂၀၀ ကျော်) စုဆောင်းရရှိထားပြီး ဖြစ်ပါတယ်။
လက်ရှိတွင် ထားဝယ်ဒေသ၌ လမ်းများပိတ်ဆို့ခြင်း၊ အိမ်ခြေများ မြေပိခြင်းတို့ကြောင့် ပျောက်ဆုံးသူများကို ရှာဖွေရန်နှင့် လမ်းရှင်းရန် စက်ယန္တရားကြီးများ အရေးပေါ်လိုအပ်နေသလို၊ ခိုလှုံနေရသည့် ဒေသခံများအတွက် ဆေးဝါး၊ သောက်ရေနှင့် စားနပ်ရိက္ခာများ အရေးပေါ်လိုအပ်လျက် ရှိပါတယ်။
