သံအမတ်ကြီးနေအိမ်မှ ထွက်ခွာရန် ငြင်းဆန်ခဲ့သည့် ဦးကျော်စွာမင်းကို ဗြိတိန်အစိုးရက တရားစွဲဆိုမှု တရားခွင်စတင်
ဩဂုတ်လ ၁၄ ရက်၊ ၂၀၂၆
လန်ဒန်မြို့ရှိ မြန်မာသံအမတ်ကြီး၏ တရားဝင်နေအိမ် (Myanmar House) မှ ထွက်ခွာရန် ငြင်းဆန်ခဲ့သဖြင့် ဗြိတိန်အစိုးရ၏ “ကျူးကျော်နေထိုင်မှု” ဖြင့် တရားစွဲဆိုခြင်းခံထားရသည့် မြန်မာသံအမတ်ကြီးဟောင်း ဦးကျော်စွာမင်း (အသက် ၆၈ နှစ်) အား ဗုဒ္ဓဟူးနေ့က လန်ဒန်မြို့ ဝက်စမင်းစတာ မက်ဂျစ်စထရိတ် တရားရုံး၌ စတင် ရုံးတင်စစ်ဆေးခဲ့ပါတယ်။
ဦးကျော်စွာမင်းသည် ၂၀၂၁ ခုနှစ် အာဏာထိန်းသိမ်းမှုဖြစ်စဉ်အပြီး ဒေါ်အောင်ဆန်းစုကြည်ကို လွှတ်ပေးရန် တောင်းဆိုခဲ့သဖြင့် သံရုံးအတွင်း ဝင်ရောက်ခွင့် ပိတ်ပင်ခံခဲ့ရပြီး ရာထူးမှ ပြန်လည်ခေါ်ယူခြင်း ခံခဲ့ရသူ ဖြစ်ပါတယ်။ သို့သော် ၂၀၂၁ ခုနှစ် မေလမှ ၂၀၂၄ ခုနှစ် နိုဝင်ဘာလအထိ သံအမတ်ကြီးနေအိမ်၌ ဆက်လက်နေထိုင်ခဲ့သဖြင့် တရားစွဲဆိုခံရခြင်း ဖြစ်ပါတယ်။
တရားခွင်တွင် ဦးကျော်စွာမင်း၏ ရှေ့နေက အာဏာရအစိုးရမှာ တရားမဝင်သဖြင့် နေထိုင်ခွင့် ရုပ်သိမ်းပိုင်ခွင့်မရှိကြောင်းနှင့် အပြစ်မရှိကြောင်း လျှောက်လဲခဲ့သော်လည်း တရားလိုပြရှေ့နေ လူဝိစ် အုတ်ကလီ (Louise Oakley) ကမူ သံအမတ်ကြီးရာထူးနှင့် နေထိုင်ခွင့်ကို စနစ်တကျ ရုပ်သိမ်းခဲ့ပြီး ဖြစ်သည့်အတွက် နိုင်ငံရေး အယူအဆဆိုင်ရာ ရပ်တည်ချက်သည် ပြစ်မှုဆိုင်ရာ ခုခံချေပချက် ဖြစ်မလာနိုင်ကြောင်း တုံ့ပြန်ခဲ့ပါတယ်။ လက်ရှိတွင် အဆိုပါ တရားစွဲဆိုမှုများကို လန်ဒန်တရားရုံး၌ ဆက်လက် စစ်ဆေးဆောင်ရွက်လျက် ရှိကြောင်း သိရပါတယ်။
