အသက်အန္တရာယ် စိုးရိမ်ရသည့် အခြေအနေမှသာ မြန်မာဒုက္ခသည်များကို လက်ခံမည်ဟု ထိုင်းဝန်ကြီးချုပ် ပြောကြား
နိုဝင်ဘာလ ၁၀ ရက်၊ ၂၀၂၆
မြန်မာနိုင်ငံအတွင်း တိုက်ပွဲများကြောင့် ထွက်ပြေးလာသူများကို ထိုင်းနိုင်ငံအနေဖြင့် လူသားချင်းစာနာထောက်ထားမှုဆိုင်ရာ အကူအညီများ ပေးအပ်သွားမည်ဖြစ်သော်လည်း၊ အသက်အန္တရာယ် ပြင်းထန်စွာ စိုးရိမ်ရသည့် အခြေအနေ မရှိပါက နိုင်ငံအတွင်း ဝင်ရောက်နေထိုင်ခွင့်ပြုမည် မဟုတ်ကြောင်း ထိုင်းဝန်ကြီးချုပ် အနုထင် ချာဝီရကွန် (Anutin Charnvirakul) က တနင်္လာနေ့တွင် ပြောကြားခဲ့ကြောင်း Khaosod သတင်းဌာနက ဖော်ပြခဲ့သည်။
အမျိုးသားလုံခြုံရေးကောင်စီ (NSC) အစည်းအဝေးအပြီး ပြုလုပ်သည့် သတင်းစာရှင်းလင်းပွဲတွင် ဝန်ကြီးချုပ်က နယ်စပ်ဒေသများရှိ တာ့ခ်ခရိုင်အုပ်ချုပ်ရေးမှူးနှင့် မဲဆောက်မြို့နယ် အာဏာပိုင်များအပါအဝင် သက်ဆိုင်ရာဌာနများကို ညွှန်ကြားချက်များ ထုတ်ပြန်ထားပြီးဖြစ်ကြောင်း ပြောကြားခဲ့သည်။ ထိုင်းနိုင်ငံဘက်သို့ ဖြတ်ကျော်ဝင်ရောက်လာသူများအား လူသားချင်းစာနာမှုဆိုင်ရာ အကူအညီများ ပေးအပ်သွားမည်ဖြစ်သော်လည်း အခြေအနေများ ပြန်လည်ကောင်းမွန်လာပါက မြန်မာနိုင်ငံဘက်သို့ ပြန်လည်ပို့ဆောင်သွားမည်ဖြစ်ကြောင်းနှင့် လိုအပ်သည့် နေရာများတွင် လူသားချင်းစာနာမှုအကူအညီများကို ဆက်လက်ပေးအပ်သွားမည်ဖြစ်ကြောင်း ၎င်းက ထည့်သွင်းပြောကြားခဲ့သည်။
