Miss Grand International သရဖူဆုကို မြန်မာနိုင်ငံ အတွက် ယူဆောင်ပေးမယ့်ဆိုတဲ့ အလှမယ် သဲစုညိမ်း
ကမ္ဘောဒီးယားနိုင်ငံနဲ့ ထိုင်းနိုင်ငံတို့မှာ ကျင်းပမယ့် Miss Grand International 2024 ပြိုင်ပွဲကို မြန်မာနိုင်ငံကိုယ်စားပြု အနေနဲ့ သွားရောက်ယှဉ်ပြိုင်မယ့် အလှမယ် သဲစုညိမ်းကတော့ သရဖူဆုကို အရယူနိုင်ဖို့အတွက် ကြိုးစားသွားမယ်လို့ ဆိုပါတယ်။
“Crown ကို မှန်းတယ်မလား မှန်းရဲတယ်နော်လို့ ပြောကြတဲ့သူတွေကို သဲအနေနဲ့ ပြောချင်တာက ဘယ်ပြိုင်ပွဲဝင်မဆို Miss Grand International Crown ကို မှန်းပိုင်ခွင့်ရှိပါတယ်။ အကုန်လုံးကလည်း Crown အတွက် ပြိုင်ကြတာ ဖြစ်တယ်။ ကိုယ့်နိုင်ငံအတွက်လည်း အားလုံးက ပြိုင်ကြတာဖြစ်တဲ့အတွက် သဲသဲအနေနဲ့လည်း မြန်မာနိုင်ငံအတွက် Golden Crown သယ်ဖို့အတွက် မှန်းထားပါတယ်။ Golden Crown ရအောင် ကြိုးစားသွားမယ်” လို့ အလှမယ် သဲစုညိမ်းက ပြောပါတယ်။
