ပြင်သစ်နိုင်ငံတစ်ဝန်း ဆန္ဒပြပွဲများတွင် ရဲတပ်ဖွဲ့နှင့် ဆန္ဒပြသူများ ထိပ်တိုက်တွေ့ဆုံကာ အကြမ်းဖက် ပဋိပက္ခများ ဖြစ်ပွား
အောက်တိုဘာလ ၁၉ ရက်၊ ၂၀၂၆
ပြင်သစ်နိုင်ငံတစ်ဝန်းတွင် အောက်တိုဘာလ ၁၇ ရက်က ကျင်းပခဲ့သည့် ကုန်ဈေးနှုန်းကြီးမြင့်မှု၊ လူမှုရေး မညီမျှမှုများနှင့် ပညာရေးစနစ် အခြေအနေများကို ဆန့်ကျင်သည့် လူထုဆန္ဒပြပွဲများအတွင်း ရဲတပ်ဖွဲ့နှင့် ဆန္ဒပြသူများအကြား အကြမ်းဖက် ပဋိပက္ခများ ဖြစ်ပွားခဲ့ရာ ရဲတပ်ဖွဲ့ဝင် ၁၅၀ ဦး ဒဏ်ရာရရှိပြီး လူပေါင်း ၁,၂၀၀ ခန့်ကို ဖမ်းဆီးခဲ့ကြောင်း ဝန်ကြီးချုပ် ဆာဘီစတီယန် လီကောမူးက ပြောကြားခဲ့သည်။
ဆန္ဒပြပွဲများတွင် ကျောင်းသားများ၊ အလုပ်သမားသမဂ္ဂ အဖွဲ့ဝင်များနှင့် Yellow Vest အဝါရောင်အင်္ကျီဝတ် လှုပ်ရှားသူများ အပါအဝင် လူပေါင်း ၅၅၀,၀၀၀ ခန့် ပါဝင်ခဲ့ကြပြီး ပါရီ၊ မာဆေးလ်၊ လိုင်ယွန်နှင့် လီးလ်မြို့များ အပါအဝင် နေရာအချို့၌ ဆိုင်ခန်းများ လုယက်ခံရခြင်း၊ မီဒီယာရုံးများနှင့် အဆောက်အအုံများ မီးရှို့ဖျက်ဆီးခံရခြင်းများ ဖြစ်ပေါ်ခဲ့သည်။ ပါရီနှင့် မာဆေးလ်မြို့များတွင် ရဲတပ်ဖွဲ့က မျက်ရည်ယိုဗုံးများ အသုံးပြုကာ ဖြိုခွင်းခဲ့ရပြီး အစိုးရက ယခုကဲ့သို့ မငြိမ်မသက်မှုများနှင့် အစွန်းရောက် လုပ်ရပ်များအတွက် အစွန်းရောက် လက်ဝဲအုပ်စုများကို အပြစ်တင်ထားသည်။
