အာကာသပြတိုက် (ရန်ကုန်) သို့ အိန္ဒိယနိုင်ငံမှ လှူဒါန်းသည့်ပစ္စည်းများ လွှဲပြောင်းပေးအပ်
အောက်တိုဘာလ ၁၉ ရက်၊ ၂၀၂၆
ရန်ကုန်မြို့၊ ဒဂုံမြို့နယ်ရှိ အာကာသပြတိုက် (ရန်ကုန်) သို့ အိန္ဒိယနိုင်ငံမှ လှူဒါန်းသည့် ပစ္စည်းများ လွှဲပြောင်းပေးအပ်ပွဲ အခမ်းအနားကို အဆိုပါပြတိုက်၌ ကျင်းပပြုလုပ်ခဲ့သည်။
အခမ်းအနားတွင် ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူက အဖွင့်အမှာစကား ပြောကြားခဲ့ပြီး အိန္ဒိယသံအမတ်ကြီး H.E. Mr. Abhay Thakur က လှူဒါန်းပစ္စည်းများကို လွှဲပြောင်းပေးအပ်ရာ ဝန်ကြီးချုပ်က လက်ခံရယူခဲ့သည်။ ယင်းနောက် မြန်မာအာကာသအေဂျင်စီ အမှုဆောင်အရာရှိချုပ် ဒေါက်တာ စိုးမြင့်မောင်က ကျေးဇူးတင်စကား ပြောကြားကာ သံအမတ်ကြီးထံ ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများက လှူဒါန်းပစ္စည်းများကို လှည့်လည်ကြည့်ရှုခဲ့ကြကြောင်း သိရသည်။
