မလေးရှား ဝန်ကြီးချုပ်က မြန်မာနိုင်ငံတော်သမ္မတ ဦးမင်းအောင်လှိုင်အား ဂုဏ်ပြုကြိုဆိုပွဲ အခမ်းအနားဖြင့် ကြိုဆို
အောက်တိုဘာလ ၈ ရက်၊ ၂၀၂၆
မလေးရှားနိုင်ငံ ဝန်ကြီးချုပ် ဒါတိုဆရီ အန်နဝါ ဘင် အီဘရာဟင်၏ ဖိတ်ကြားချက်အရ မလေးရှားနိုင်ငံသို့ နိုင်ငံတော်အဆင့် တရားဝင်ခရီးစဉ် (Official Visit) ရောက်ရှိနေသည့် မြန်မာနိုင်ငံတော်သမ္မတ ဦးမင်းအောင်လှိုင်အား မလေးရှားနိုင်ငံ ဝန်ကြီးချုပ်က ယနေ့ အောက်တိုဘာ ၈ ရက် ဒေသစံတော်ချိန် နံနက် ၉ နာရီတွင် မလေးရှားနိုင်ငံ၊ ကွာလာလမ်ပူမြို့ရှိ ဝန်ကြီးချုပ်ရုံး၌ ဂုဏ်ပြုကြိုဆိုပွဲ အခမ်းအနားဖြင့် သိုက်သိုက်ဝန်းဝန်း ကြိုဆိုခဲ့ပါတယ်။
အခမ်းအနားတွင် မလေးရှားနိုင်ငံ ဂုဏ်ပြုတပ်ဖွဲ့က နှစ်နိုင်ငံ နိုင်ငံတော်သီချင်းများကို တီးမှုတ်ဂုဏ်ပြုခဲ့ပြီး မြန်မာနိုင်ငံတော်သမ္မတ က ဂုဏ်ပြုတပ်ဖွဲ့အား စစ်ဆေးခဲ့ပါတယ်။ ထို့နောက် နှစ်နိုင်ငံ အစိုးရအဖွဲ့ဝင်များနှင့် တာဝန်ရှိသူများကို အပြန်အလှန် မိတ်ဆက်ပေးခဲ့ကြပြီး သမ္မတ ဦးမင်းအောင်လှိုင်သည် ဝန်ကြီးချုပ်ရုံးရှိ ဧည့်သည်တော်မှတ်တမ်းစာအုပ်၌ လက်မှတ်ရေးထိုးခဲ့ကြောင်း သိရပါတယ်။
