ပေါတိုအသင်း၏ ညာနောက်ခံလူ အယ်လ်ဘာတို ကော့စတာကို ခေါ်ယူရန် မန်ယူနှင့် အာဆင်နယ် စောင့်ကြည့်လျက်ရှိ
စက်တင်ဘာလ ၃၀ ရက်၊ ၂၀၂၆
မန်ချက်စတာယူနိုက်တက်နှင့် အာဆင်နယ် အသင်းတို့သည် ပေါတိုအသင်း၏ အသက် ၂၂ နှစ်အရွယ် ညာနောက်ခံလူ အယ်လ်ဘာတို ကော့စတာ (Alberto Costa) ကို ခေါ်ယူရန် စိတ်ဝင်စားနေပြီး ၎င်း၏ ခြေစွမ်းကို အနီးကပ် စောင့်ကြည့်လျက်ရှိကြောင်း သတင်းရရှိပါတယ်။
ကော့စတာသည် ၂၀၂၅ ခုနှစ် ဇူလိုင်လတွင် ဂျူဗင်တပ်စ်အသင်းမှ ပေါတိုသို့ ပြောင်းရွှေ့လာခဲ့သူဖြစ်ပြီး ပထမဆုံးရာသီတွင်ပွဲပေါင်း ၄၇ ပွဲ ပါဝင်ကစားကာ ဂိုးဖန်တီးမှု ၈ ကြိမ်အထိ ပြုလုပ်နိုင်ခဲ့ပါတယ်။ ၎င်းအား ခေါ်ယူရန် မန်ယူနှင့် အာဆင်နယ်တို့အပြင် မန်စီးတီးနှင့် ပီအက်စ်ဂျီတို့ကပါ စောင့်ကြည့်နေသော်လည်း တရားဝင် ကမ်းလှမ်းမှုများ ပြုလုပ်ခြင်း မရှိသေးကြောင်း သိရပါတယ်။
ပေါတိုအသင်းသည် ကော့စတာကို ၂၀၃၀ ပြည့်နှစ် ဇွန်လအထိ စာချုပ်ချုပ်ဆိုထားပြီး စာချုပ်လျော်ကြေးငွေအဖြစ် ယူရို ၆၅ သန်း သတ်မှတ်ထားပါတယ်။ ထို့ကြောင့် ၎င်းတို့အနေဖြင့် ကစားသမားကို ရောင်းချရန် အလျင်လိုခြင်းမရှိဘဲ ခေါ်ယူလိုသည့် အသင်းများအနေဖြင့် စာချုပ်လျော်ကြေး ပမာဏနီးပါး ပေးချေရဖွယ် ရှိနေကြောင်း သတင်းဖော်ပြပါရှိပါတယ်။
