၂၀၃၀ ပြည့်နှစ်မတိုင်မီ AI ကြောင့် ကမ္ဘာပျက်စီးမည်ဆိုမှု ‘သုည ရာခိုင်နှုန်းမျှပင် အခွင့်အလမ်းမရှိ’ ဟု Nvidia အကြီးအကဲ ပြောကြား
စက်တင်ဘာလ ၂၂ ရက်၊ ၂၀၂၆
၂၀၃၀ ပြည့်နှစ်မတိုင်မီ AI ကြောင့် လူသားမျိုးနွယ် မျိုးပြုန်းစရာ အကြောင်းမရှိဘဲ ယင်းသို့ စွပ်စွဲချက်များမှာ အခြေအမြစ်မရှိဘဲ ခြောက်လှန့်နေသည့် တာဝန်မဲ့သော အဆိုများဖြစ်ကြောင်း Nvidia ကုမ္ပဏီ၏ အမှုဆောင်အရာရှိချုပ် ဂျန်ဆင် ဟွမ် က ပြောကြားခဲ့သည်။ Anthropic သုတေသနပညာရှင်ဟောင်း ဂျေးကော့ဘ် ကော့ခ်ဆွန် အပါအဝင် AI ပညာရှင်အချို့နှင့် OpenAI, Anthropic, Tesla အကြီးအကဲတို့က AI တိုးတက်မှုနှုန်းကို ထိန်းချုပ်ရန် သတိပေးနေကြသော်လည်း၊ ဂျန်ဆင် ဟွမ် နှင့် အမေရိကန်သမ္မတ ဒေါ်နယ်ထရန့်တို့ကမူ ထိုစိုးရိမ်မှုများကို ပယ်ချခဲ့သည်။
တစ်ဖက်တွင်လည်း Anthropic အဖွဲ့၏ အစီရင်ခံစာများအရ AI မော်ဒယ်များကို အသုံးပြု၍ ဒုံးကျည်/ဗုံး ဒီဇိုင်းထုတ်ခြင်းနှင့် သေစေနိုင်သော ရောဂါပိုးမွှားများ ဖန်တီးရန် ဒုစရိုက်သမားများ ကြိုးပမ်းနေမှုများ ရှိနေသဖြင့် အမေရိကန်နှင့် တရုတ်နိုင်ငံတို့သည် AI အန္တရာယ်များကို ထိန်းချုပ်ရန် ဆွေးနွေးပွဲ ယန္တရား ထူထောင်ရန် သဘောတူညီခဲ့ကြသည်။ ထို့ပြင် Tony Blair Institute (TBI) ကလည်း AI ကြောင့် စီးပွားရေး၊ လုံခြုံရေးနှင့် လူမှုအဖွဲ့အစည်းဆိုင်ရာ ရိုက်ခတ်မှုများ လျှင်မြန်စွာ ဖြစ်ပေါ်လာမည်ဖြစ်ရာ နိုင်ငံရေးခေါင်းဆောင်များနှင့် အဖွဲ့အစည်းများအနေဖြင့် အဆင်သင့် ပြင်ဆင်ထားရန် လိုအပ်ကြောင်း သတိပေးထားသည်။
