ပညာရေးကဏ္ဍသစ်အဖြစ် ဖွင့်လှစ်လိုက်သည့်ကျောင်းများတွင် စိတ်ပါဝင်စားစွာ တက်ရောက်လိုသူများကို အမြဲတမ်းကြိုဆိုလျက်ရှိကြောင်း တပ်မတော်ကာကွယ်ရေးဦးစီးချုပ် ပြောကြား
စက်တင်ဘာလ ၁၅ ရက်၊ ၂၀၂၆
ပညာရေးကဏ္ဍသစ်အဖြစ် ဖွင့်လှစ်လိုက်သည့် ကျောင်းများတွင် တပ်မတော်သား မိသားစုဝင်များ၊ အငြိမ်းစား တပ်မတော်သား မိသားစုဝင်များအပြင် တပ်မတော်နှင့် ပညာရည် မြင့်မားရေး ဖော်ဆောင်မှုအပေါ် စိတ်ပါဝင်စားစွာ တက်ရောက်လိုသူများကို ဖွင့်လှစ် သင်ကြားပေးနေပြီး တက်ရောက်လိုသူများကိုလည်း အမြဲတမ်း ကြိုဆိုလျက်ရှိကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး က ပြောကြားခဲ့ပါတယ်။
စက်တင်ဘာလ ၂ ရက်နေ့က နေပြည်တော်ရှိ ဇေယျာသီရိဗိမာန်၌ ကျင်းပပြုလုပ်သည့် ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင် စာမေးပွဲတို့တွင် ထူးချွန်စွာ အောင်မြင်ခဲ့သည့် စစ်သည်များ၊ စစ်မှုထမ်းဆဲနှင့် စစ်မှုထမ်းဟောင်း မိသားစုဝင် သားသမီးများ၊ အခြေခံပညာ လူရည်ချွန်ဆုရ ကျောင်းသား၊ ကျောင်းသူများအား ဂုဏ်ပြုဆု ချီးမြှင့်သည့် အခမ်းအနား၌ ထိုသို့ ထည့်သွင်း ပြောကြားခဲ့ခြင်း ဖြစ်ပါတယ်။
