အင်ဒိုနီးရှားနိုင်ငံ၊ ဂျာဗားကျွန်းအနီးတွင် ကူးတို့သင်္ဘောတစ်စင်း တိမ်းမှောက်ပြီးနောက် လူခြောက်ဦး သေဆုံးကာ ၁၂၉ ဦး ပျောက်ဆုံးနေ၊ ၁၀၈ ဦး ကယ်ဆယ်နိုင်
စက်တင်ဘာလ ၁၄ ရက်၊ ၂၀၂၆
အင်ဒိုနီးရှားနိုင်ငံ၊ အရှေ့ဂျာဗားပြည်နယ် ဆူရာဘာယာမြို့မှ ဘော်နီယိုကျွန်းသို့ ထွက်ခွာလာသည့် Virgo Transport 8 ကူးတို့သင်္ဘောသည် စက်တင်ဘာလ ၁၃ ရက် အစောပိုင်းတွင် ရာသီဥတုဆိုးရွားမှုကြောင့် ဂျာဗားကျွန်းနှင့် ဘော်နီယိုကျွန်းကြား ရေပြင်၌ တိမ်းမှောက်ခဲ့ပြီး အဆက်အသွယ် ပြတ်တောက်သွားခဲ့သည်။
သင်္ဘောပေါ်တွင် ခရီးသည် ၂၁၃ ဦးနှင့် သင်္ဘောဝန်ထမ်း ၃၀ ဦး၊ စုစုပေါင်း ၂၄၃ ဦး လိုက်ပါလာခဲ့ရာ လက်ရှိအချိန်ထိ အသက်ရှင်ကျန်ရစ်သူ ၁၀၈ ဦး ကို ကယ်ဆယ်နိုင်ခဲ့ပြီး ၆ ဦး သေဆုံးကြောင်း အတည်ပြုထားကာ ၁၂၉ ဦး မှာ ပျောက်ဆုံးနေဆဲ ဖြစ်သည်။
လက်ရှိတွင် ၂.၅ မီတာခန့် မြင့်မားသော လှိုင်းလေကြီးများကြားမှပင် အမျိုးသားရှာဖွေကယ်ဆယ်ရေးအေဂျင်စီ (Basarnas) သည် ရဟတ်ယာဉ်နှစ်စင်း အသုံးပြု၍ ရှာဖွေရေးနှင့် ကယ်ဆယ်ရေးလုပ်ငန်းများကို အရှိန်အဟုန်မြှင့် ဆောင်ရွက်လျက်ရှိသည်။ အင်ဒိုနီးရှားနိုင်ငံတွင် ရေကြောင်းဘေးကင်းလုံခြုံရေး စံချိန်စံညွှန်း အားနည်းခြင်းနှင့် ခန့်မှန်းရခက်ခဲသည့် ရာသီဥတုအခြေအနေများကြောင့် ယခုကဲ့သို့ သင်္ဘောတိမ်းမှောက်မှု မတော်တဆမှုများ မကြာခဏ ဖြစ်ပွားလေ့ရှိသည်။
