အသက် ၄၄ နှစ်ပြည့် မွေးနေ့၌ “အချစ်” Music Video အား ပရိသတ်အတွက် လက်ဆောင်အဖြစ် တင်ဆက်လိုက်သည့် အကယ်ဒမီ မယ်လိုဒီ
စက်တင်ဘာလ ၇ ရက်၊ ၂၀၂၆
အနုပညာလမ်းကြောင်းပေါ်တွင် ပရိသတ်၏ ချစ်ခင်အားပေးမှုများစွာ ရရှိထားသည့် မင်းသမီး အကယ်ဒမီ မယ်လိုဒီသည် စက်တင်ဘာ ၆ ရက်တွင် ကျရောက်သည့် သူမ၏ အသက် ၄၄ နှစ်ပြည့် မွေးနေ့အမှတ်တရအဖြစ် “အချစ်” တေးသီချင်း၏ Music Video ကို ပရိသတ်များထံ လက်ဆောင်ပေးလိုက်ပါတယ်။
အဆိုပါ “အချစ်” တေးသီချင်းကို တေးရေးဆရာ Mahaw က ရေးသားပေးထားပြီး Music Producer Mahaw၊ Mixing & Mastering မျိုးဇော်ထက်နှင့် Studio Platinum တို့က ဖန်တီးပုံဖော်ထားခြင်းဖြစ်ကာ၊ စက်တင်ဘာ ၆ ရက်တွင် Academy Melody ၏ Facebook၊ TikTok နှင့် YouTube Channel တို့၌ တင်ဆက်ပေးခဲ့ခြင်း ဖြစ်ပါတယ်။
သရုပ်ဆောင်ပိုင်းတွင် အောင်မြင်မှုရရှိထားသည့် မယ်လိုဒီသည် ဂီတပိုင်းတွင်လည်း တေးရေး ထူးအိမ်သင် ရေးသားသည့် “ခွင့်မပြု” နှင့် တေးရေး သိန်းလင်းစိုး ရေးသားသည့် “မင်းပျော်လား” စသည့် တေးသီချင်းများကို ထွက်ရှိထားကြောင်း သိရပါတယ်။
