မင်းလှမြို့နယ်၊ စိန်ပုရွာသစ်ကျေးရွာ အနီးတွင် ကျေးရွာ အုပ်ချုပ်ရေးမှူး တစ်ဦး ပစ်ခတ်ခံရ၍ သေဆုံး
ပဲခူးတိုင်းဒေသကြီး၊ မင်းလှမြို့နယ်၊ စိန်ပုရွာသစ်ကျေးရွာအနီးတွင် ကျေးရွာအုပ်ချုပ်ရေးမှူးတစ်ဦး သေနတ်ဖြင့် ပစ်ခတ်ခံရ၍ သေဆုံးခဲ့ကြောင်း သိရသည်။
ဖြစ်စဉ်မှာ ပြီးခဲ့သည့်ရက်ပိုင်းက မင်းလှမြို့နယ်၊ ဆင်တဲကုန်းကျေးရွာနေ ကျေးရွာအုပ်ချုပ်ရေးမှူးဖြစ်သူ ဦးသန်းမြင့် (၅၄) နှစ် သည် မင်းလှမြို့မှ ဆင်တဲကုန်းကျေးရွာသို့ ဆိုင်ကယ်ဖြင့် တစ်ဦးတည်းပြန်လာစဉ် စိန်ပုရွာသစ် ကျေးရွာအနီးအရောက် PDF အမည်ခံ အကြမ်းဖက်သမားနှစ်ဦး(စိစစ်ဆဲ)က ဆိုင်ကယ်တစ်စီးဖြင့် နောက်မှ မောင်းနှင်လိုက်ပါလာပြီး သေနတ်ဖြင့် ပစ်ခတ် ထွက်ပြေးသွားခဲ့သဖြင့် ဦးသန်းမြင့်တွင် ကျည်ထိမှန် ဒဏ်ရာများရရှိကာ သေဆုံးသွားခဲ့ကြောင်း သိရသည်။
