မကွေးမြို့နယ် ယင်းဆိပ်တံတားတွင် အကြမ်းဖက်များထံ ပို့ဆောင်မည့် ယူနီဖောင်းများနှင့် လက်နက်ခဲယမ်း များ သိမ်းဆည်းရမိ
မကွေးတိုင်းဒေသကြီး၊ မကွေးမြို့နယ်၊ မကွေး- တောင်တွင်းကြီးသွား ကားလမ်းရှိ ယင်းဆိပ်တံတားတွင် အကြမ်းဖက် PDF အဖွဲ့များထံ ပို့ဆောင်မည့် ယူနီဖောင်းများနှင့် လက်နက်ခဲယမ်းများ သိမ်းဆည်းရမိခဲ့သည်။ ဇူလိုင်လ (၇)ရက်က မကွေး- တောင်တွင်းကြီးသွားကားလမ်းရှိ ယင်းဆိပ်တံတားတွင် အကြမ်းဖက် PDF အဖွဲ့ဝင်များထံ ဆက်စပ်ပစ္စည်းများ ထောက်ပံ့ နေကြောင်း သတင်းအရ လုံခြုံရေးတပ်ဖွဲ့ဝင်များမှ ရှာဖွေစစ်ဆေးခဲ့သည်။
ယင်းသို့ ရှာဖွေရာတွင် ကားတစ်စီးအတွင်းမှ AK 47 (၅)လက်၊ M4 (၄)လက်၊ ခြောက်လုံးပြူး (၁)လက်၊ လက်လုပ်သေနတ် (၃)လက်၊ ပါရီ (၅)လက်၊ ရိုင်ဖယ် (၁)လက်၊ ရိုင်ဖယ်ကျည် (၅၇)တောင့်၊ M22 ကျည် (၁၀၀၀) တောင့်၊ ကျည်အိမ် (၁၄)ခု၊ ၅.၅၆ကျည် (၇၆)တောင့်၊ မှန်ပြောင်း (၁)လက်၊ T Eagle sight (၁)ခု၊ Icon (၂)ခု၊ စစ်ဖိနပ် (၁၄)ရံနှင့် အကြမ်းဖက်ယူနီဖောင်း (၁၄)စုံတို့အား သိမ်းဆည်းရမိကြောင်း သိရသည်။
