မေလထဲမှာ ချစ်သူနဲ့လက်ထပ်တော့မယ့် သရုပ်ဆောင် Ma Dong-seok
Train to Busan နဲ့ Eternals သရုပ်ဆောင် Ma Dong-seok ဟာ ရှည်လျားလှတဲ့ဘဝခရီးလမ်းကို လက်တွဲဖော်နဲ့အတူ ဖြတ်သန်းရင်ဆိုင်တော့မှာဖြစ်ပါတယ်။
တောင်ကိုရီးယားသရုပ်ဆောင် Ma Dong-seok ဟာ The Outlaws သရုပ်ဆောင် Ye Jung-hwa နဲ့ လက်ထပ်ထိမ်းမြား တော့မှာဖြစ်ကြောင်းသိရှိရပါတယ်။ Ma Dong-seok နဲ့ Ye Jung-hwa တို့ရဲ့ အေဂျင်စီဖြစ်တဲ့ Big Punch Entertainment ရဲ့ အတည်ပြုချက်အရ Ma Dong-seok နဲ့ Ye Jung-hwa ဟာ မေလထဲမှာ သီးသန့်မင်္ဂလာပွဲကျင်းပကာ လက်ထပ် ထိမ်းမြားသွားမှာဖြစ်ပြီး အဆိုပါမင်္ဂလာပွဲကို နှစ်ဖက်ဆွေမျိုးမိတ်ဆွေအသိုင်းအဝိုင်းနဲ့သာ ကျင်းပသွားမှာဖြစ်ကြောင်း သိရှိရပါတယ်။
Ma Dong-seok နဲ့ Ye Jung-hwa ဟာ ၂၀၁၆ မှာ လူသိရှင်ကြားတွဲခဲ့ကြတာဖြစ်ပြီး ၂၀၂၁ မှာ လက်ထပ်ခဲ့ကြတာပါ။ Ma Dong-seok ရဲ့ ရုပ်ရှင်သစ် The Roundup: Punishment မှာလည်း Ye Jung-hwa က ပါဝင်ထားပါသေးတယ်။
