Gen V သရုပ်ဆောင် Chance Perdomo မတော်တဆ မှုကြောင့် ရုတ်တရက်ကွယ်လွန်
မကြာသေးခင်က ထွက်ရှိထားခဲ့တဲ့ Amazon Prime Video ဇာတ်လမ်းတွဲတစ်ခုဖြစ်တဲ့ Gen V ရဲ့ သရုပ်ဆောင် Chance Perdomo ဟာ ရုတ်တရက်ကွယ်လွန်သွားခဲ့ပြီဖြစ်ပါတယ်။
Gen V ဇာတ်လမ်းတွဲက Andre Anderson နေရာမှာသရုပ်ဆောင်ခဲ့တဲ့ မင်းသား Chance Perdomo ဟာ ဆိုင်ကယ် မတော်တဆမှုနဲ့ကွယ်လွန်သွားကြောင်း သိရပါတယ်။ ကွယ်လွန်ချိန်မှာ အသက်(၂၇)နှစ်ပဲရှိပါသေးတယ်။Chance Perdomo ဟာ Netflix ဇာတ်လမ်းတွဲတစ်ခုဖြစ်တဲ့ Chilling Adventures of Sabrina မှာလည်း ပါဝင်ခဲ့ပါသေးတယ်။
Chance Perdomo ကွယ်လွန်သွားကြောင်းကို ၎င်းရဲ့ပြောရေးဆိုခွင့်ရှိသူဘက်က ထုတ်ပြန်အတည်ပြုခဲ့တာဖြစ်ပြီး အဆိုပါအတည်ပြုချက်အရ Chance Perdomo ရဲ့ မတော်တဆမှုဟာ မည်သူတစ်ဦးတစ်ယောက်ရဲ့ ပယောဂ မပါဝင်ကြောင်းသိရှိရသလို မိသားစုဝင်တွေကိုထောက်ထားသောအားဖြင့် မေးမြန်းစုံစမ်းခြင်းများမပြုလုပ်ကြဖို့ မေတ္တာရပ်ခံထားပါသေးတယ်။
