တရားစခန်း(၂)ပတ်ဝင်ပြီး ကုသိုလ်ယူသော အဆိုတော် ချမ်းမြှေ့မောင်ချို
အဆိုတော် အိအိကတော့ အောင်မြင်ကျော်ကြားသောစတူဒီယိုတေးသံရှင် တစ်ယောက်ဖြစ်ပြီး သူမရဲ့သမီး ဖြစ်သူ ချမ်းမြှေ့မောင်ချိုကိုလည်း အခုအခါအောင်မြင်ကျော်ကြားသော အဆိုတော်တစ်ဦးဖြစ်အောင် နောက်ကွယ်ကနေ ပံ့ပိုးပေးနေသူလည်း ဖြစ်ပါတယ်။
(၂၀.၇.၂၀၂၃)ရက်နေ့မှာတော့ အိအိက တရားစခန်းဝင်ပြီး ကုသိုလ်ပြုချင်နေတဲ့ သမီးငယ် ချမ်းမြှေ့မောင်ချိုရဲ့ ဆန္ဒကို ဖြည့်ဆည်းပေးခဲ့ပြန်ပါတယ်။
အိအိက ပဏ္ဍိတာရာမ ပဲခူးဆယ်မိုင်ကုန်း တောစခန်းရိပ်သာမှာ (၂)ပတ်တာ တရားစခန်းဝင်ပြီး ကုသိုလ်ယူမယ့် သမီးငယ်ကို လိမ္မာတဲ့ငါ့သမီးလေး (၂)ပတ် တရားစခန်းတဲ့အတွက် တရားထူးတရားမြတ်ရရှိပါစေ ဆိုပြီး ဆုတောင်းပြီး သမီးငယ်ရဲ့တရားစခန်းဝင်ရောက်နေသော ဓာတ်ပုံတွေကို သူမရဲ့ဖေ့ဘုတ်အကောင့်မှာ မျှဝေလာခဲ့ပါတယ်။
