(၇၆) နှစ်မြောက် လွတ်လပ်ရေးနေ့ အခမ်းအနား နေပြည်တော်ရှိ မြို့တော်ခန်းမ၌ ကျင်းပ
(၇၆)နှစ်မြောက် လွတ်လပ်ရေးနေ့အခမ်းအနားကို ပြည်ထောင်စုနယ်မြေ နေပြည်တော်ရှိ မြို့တော်ခန်းမ၌ ယနေ့(ဇန်နဝါရီ ၄ ရက်)တွင် ကျင်းပခဲ့သည်။ပြည်ထောင်စုနယ်မြေ နေပြည်တော်ရှိ မြို့တော်ခန်းမတွင် ကျင်းပသည့် (၇၆)နှစ်မြောက် လွတ်လပ်ရေးနေ့အထိမ်းအမှတ် အလံတင်အခမ်းအနားကို နံနက် ၄ နာရီ ၂၀ မိနစ်တွင် ပြုလုပ်ခဲ့သည်။
ထိုအခမ်းအနားတွင် ပြည်ထောင်စုသမ္မတမြန်မာနိုင်ငံတော်အစိုးရ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင်ထံမှ ပေးပို့သည့် သဝဏ်လွှာကို နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းက ဖတ်ကြားခဲ့ပါသည်။
