ကျပ် ၅၀ တန်နှင့် ကျပ် ၁၀၀ တန် ငွေစက္ကူများကို ရုပ်သိမ်း မည်ဆိုခြင်းမှာ သတင်းအမှားသာဖြစ်ဟု နစက ထုတ်ပြန်
ယနေ့ စက်တင်ဘာလ(၃၀)ရက်နေ့ လူမှုကွန်ယက် စာမျက်နှာနှင့် အင်တာနက် Website များတွင် ဖြန့်ဝေနေသော ၅၀ ကျပ် (ငါးဆယ်ကျပ်) နှင့် ၁၀၀ ကျပ် (တစ်ရာကျပ်)တန် ငွေစက္ကူများကို ရုပ်သိမ်းကြောင်းတရားဝင်ငွေအဖြစ်မှ ရပ်ဆဲကြောင်း ထုတ်ပြန်ချက်များသည် မဟုတ်မမှန်သော သတင်းမှားများသာ ဖြစ်ပါသည်။
ပြည်ထောင်စုသမ္မတမြန်မာနိုင်ငံတော် ၂၀၀၈ ခုနှစ်၊ ဖွဲ့စည်းပုံအခြေခံဉပဒေ ပုဒ်မ ၃၆(င)အရ “နိုင်ငံတော်သည် တရားဝင် ထုတ်ဝေထားသော ငွေကြေးကို တရားမဝင်ငွေကြေးအဖြစ် သတ်မှတ်ခြင်းမပြု” ဟု အတိအလင်းဖော်ပြထားပြီးဖြစ်ပါသည်။
ထိုကဲ့သို့ အများပြည်သူများ၏ အကျိူးစီးပွားကို ထိခိုက်ပျက်စီးစေရန် သတင်းမှားများ ဖြန့်ဝေသူများကို ဉပဒေပြဌာန်းချက် များနှင့် အညီ ဖော်ထုတ်အရေးယူပြီး ထိရောက်ဟန့်တားသော ပြစ်ဒဏ်များ ချမှတ်နိုင်ရန် တရားဉပဒေစိုးမိုးရေးအဖွဲ့အစည်း များနှင့ ပူးပေါင်းဆောင်ရွက်လျက်ရှိကြောင်း သတင်းထုတ်ပြန်အပ်ပါသည် ဟု ယနေ့ စက်တင်ဘာလ (၃၀)ရက်နေ့ ရက်စွဲဖြင့် မြန်မာနိုင်ငံတော်ဗဟိုဘဏ်မှ သတင်းထုတ်ပြန်လာပါတယ်။
