၂၀၁၇ ရခိုင်ဖြစ်စဉ်နှင့် ပတ်သက်၍ နိုင်ငံအချို့၏ ထုတ်ပြန်ချက်များအပေါ် မြန်မာနိုင်ငံက ပယ်ချကြောင်း နိုင်ငံခြားရေးဝန်ကြီးဌာန ထုတ်ပြန်
စက်တင်ဘာလ ၃ ရက်၊ ၂၀၂၆
၂၀၁၇ ခုနှစ် ဩဂုတ်လတွင် ရခိုင်ပြည်နယ်မြောက်ပိုင်း၌ ဖြစ်ပွားခဲ့သည့် ဖြစ်စဉ်များနှင့် ပတ်သက်၍ နိုင်ငံအချို့၏ ကြေညာချက်နှင့် ထုတ်ပြန်ပြောကြားချက်များအား မြန်မာနိုင်ငံက ပယ်ချကြောင်းနှင့် မြန်မာနိုင်ငံတွင် မရှိသည့် လူမျိုးအမည် လွဲမှားသုံးစွဲမှုအပေါ် ပြတ်သားစွာ ကန့်ကွက်ကြောင်း နိုင်ငံခြားရေးဝန်ကြီးဌာနက ယနေ့တွင် ထုတ်ပြန်ခဲ့ပါတယ်။
အဆိုပါ ထုတ်ပြန်ချက်တွင် ၂၀၁၇ ခုနှစ် ဩဂုတ်လ ၂၅ ရက်က အာဆာ (ARSA) အကြမ်းဖက်အဖွဲ့က ရဲစခန်းများကို အကွက်ချ စတင်တိုက်ခိုက်မှုကြောင့် လုံခြုံရေးတပ်ဖွဲ့ဝင်များ၊ ဝန်ထမ်းများနှင့် ပြည်သူများ သေဆုံးခဲ့ရပြီး၊ ယင်းအကြမ်းဖက် ခြိမ်းခြောက်မှုများကြောင့်သာ ဘင်္ဂါလီများ ဘင်္ဂလားဒေ့ရှ်နိုင်ငံဘက်သို့ နေရပ်စွန့်ခွာသွားကြခြင်းဖြစ်သည်ဟု ဖော်ပြထားပါတယ်။ သို့သော် နိုင်ငံအချို့က ဖြစ်စဉ်၏ အရင်းခံ အကြောင်းတရားများနှင့် မြေပြင် အခြေအနေမှန်များကို လျစ်လျူရှုကာ မြန်မာနိုင်ငံ၏ ပုံရိပ်ကို ထိခိုက်အောင် လုပ်ဆောင်နေကြသည်ဟု ဆိုပါတယ်။
ထို့အပြင် မြန်မာနိုင်ငံတွင် မရှိသည့် လူမျိုးအမည်ကို နိုင်ငံရေးရည်ရွယ်ချက်ဖြင့် သုံးစွဲနေခြင်းကို လက်မခံဘဲ၊ နေရပ်စွန့်ခွာသူများ ပြန်လည်လက်ခံရေးအတွက် မြန်မာ-ဘင်္ဂလားဒေ့ရှ် နှစ်နိုင်ငံ သဘောတူညီချက်များနှင့်အညီ စိစစ်ပြီး လုံခြုံ၊ ဂုဏ်သိက္ခာရှိစွာ ပြန်လာနိုင်ရေး နီးကပ်စွာ ဆက်လက် လက်တွဲဆောင်ရွက်သွားမည်ဖြစ်ကြောင်း သတင်းရရှိပါတယ်။
