ဗိုလ်ချုပ်မှူးကြီး မင်းအောင်လှိင် တရုတ်နိုင်ငံသို သွားရောက်မည်
နိုင်ငံတော် လုံခြုံရေးနှင့် အေးချမ်းသာယာရေးကော်မရှင် ဥက္ကဌ ဗိုလ်ချုပ်မှူးကြီး မင်းအောင်လှိုင်သည် တရုတ်ပြည်သူ့သမ္မတနိုင်ငံ သမ္မတ မစ္စတာ ရှီကျင့်ဖျင်၏ ဖိတ်ကြားချက်အရ မကြာမီရက်ပိုင်းအတွင်း တရုတ်ပြည်သူသမ္မတနိုင်ငံသို့အလုပ်သဘောခရီးသွားရောက်မည် ဖြစ်ကြောင်း သိရသည်။
အဆိုပါ ခရီးစဉ်အတွင်း ထျန်းကျင်းမြို၌ကျင်းပမည့် ရှန်ဟိုင်းပူးပေါင်းဆောင်ရွက်မှုအဖွဲ ထိပ်သီးအစည်းအဝေးကိုတက်ရောက်ခြင်း နှင့် ပေကျင်းမြို၌ ကျင်းပပြုလုပ်မည့် တရုတ်ပြည်သူများ၏ ဂျပန်ခုခံတော်လှန်ရေးစစ်ပွဲ နှင့် ကမ္ဘာ့ဖက်ဆစ် ဆန့်ကျင်ရေးစစ်ပွဲအောင်နိုင်ခြင်း နှစ်(၈၀)ပြည့် အထိမ်းအမှတ်စစ်ရေးပြအခမ်းနားကို တက်ရောက်မည်ဖြစ်ကြောင်းလည်း သိရသည်။
ထိုပြင် တရုတ်ပြည်သူသမ္မတနိုင်ငံ သမ္မတ မစ္စတာရှီကျင့်ဖျင်နှင့်တွေ့ဆုံဆွေးနွေးမည်ဖြစ်သည့်အပြင် အခမ်းနားသိုတက်ရောက်လာမည် အခြားနိုင်ငံခေါင်းဆောင်များနှင့် တွေ့ဆုံဆွေးနွေးခြင်းများလည်း ပြုလုပ်မည်ဖြစ်ကြောင်း သိရသည်။
တရုတ်နိုင်ငံ၏ ပညာရေး၊စက်မှုကုန်ထုတ်လုပ်ငန်း၊စီးပွားရေး နှင့် ပတ်သက်သည့်များကိုလည်း ကြည့်ရူလေ့လာခြင်းများဆောင်ရွက်မည်ဖြစ်ပြီး နှစ်နိုင်ငံအစိုးရနှင့်ပြည်သူများအကြား ချစ်ကြည်ရေး၊ စီးပွားရေးနှင့် ကဏ္ဍပေါင်းစုံတွင် ပူးပေါင်းဆောင်ရွက်မှုများ ပိုမိုဖွံဖြိုးတိုးတက်ခိုင်မာအောင် ဆွေးနွေးဆောင်ရွက်မည်ဖြစ်ကြောင်းလည်း သိရသည်။
