ပုပ်ရဟန်းမင်းကြီးကွယ်လွန်ခြင်းအတွက် နစက ဥက္ကဋ္ဌမှ ဝမ်းနည်းကြောင်းသဝဏ်လွှာပေးပို့
ဗာတီကန်မြို့ပြနိုင်ငံ(Holy See)၏ ပုပ်ရဟန်းမင်းကြီးဖရန်စစ်သည် ဧပြီ ၂၁ ရက်ကကွယ်လွန်ခဲ့သဖြင့် နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ ဝမ်းနည်းကြောင်းသဝဏ်လွှာပေးပို့ခဲ့သည်။
နစက ဥက္ကဋ္ဌမှ ဗာတီကန်မြို့ပြနိုင်ငံ(Holy See) အစိုးရအဖွဲ့အကြီးအကဲဖြစ်သည့် ဘုန်းတော်ကြီးထံသို့ ယနေ့ ဧပြီ ၂၂ ရက်က ဝမ်းနည်းကြောင်းသဝဏ်လွှာပေးပို့ခဲ့ခြင်းဖြစ်သည်။
နစက ဥက္ကဋ္ဌပေးပို့သည့် သဝဏ်လွှာ၌ ၂၀၂၅ ခုနှစ်၊ ဧပြီ ၂၁ ရက်တွင် ဗာတီကန်မြို့ပြနိုင်ငံ ပုပ်ရဟန်း မင်းကြီးဖရန်စစ် ကွယ်လွန်သွားသည်ဟုကြားသိရ၍ အလွန်စိတ်မကောင်းဖြစ်ရပြီး မြန်မာနိုင်ငံအစိုးရနှင့်ပြည်သူများကိုယ်စား၊ မိမိကိုယ်စား ကိုယ်တော်နှင့်ဗာတီကန်မြို့ပြနိုင်ငံပြည်သူများထံသို့ ဝမ်းနည်းကြေကွဲကြောင်းဖော်ပြလိုဟု ရေးသားထားသည်။
