မြန်မာအမျိုးသမီးလိဂ်ပြိုင်ပွဲ ယနေ့စတင်မည်
ဧပြီလ ၂၂ ရက်
၂၀၂၅ -၂၀၂၆ မြန်မာအမျိုးသမီးလိဂ် ပြိုင်ပွဲကို ယနေ့ ဧပြီ (၂၂) ရက်တွင် စတင်ကျင်းပသွားမည်ဖြစ်ကြောင်း မြန်မာအမျိုးသမီးလိဂ်ကော်မတီက အသိပေးထားပါတယ်။
ယခင်က ဧပြီ (၁)ရက်တွင် ကျင်းပရန် စီစဉ်ထားသော်လည်း မန္တလေးနှင့် စစ်ကိုင်းတွင် လှုပ်ခတ်ခဲ့သည့် ငလျင်ကြောင့် ပွဲကျင်းပမည့်ရက်ကို ရက်ရွှေ့ဆိုင်းခဲ့ရခြင်းဖြစ်ပါတယ်။
ပြိုင်ပွဲ၏ ပွဲစဉ်(၁) ပထမနေ့တွင် ရန်ကုန်ယူနိုက်တက်နှင့် လက်ရှိချန်ပီယံ ISPE ၊ ရှမ်းယူနိုက်တက်နှင့် ဧရာဝတီအသင်းတို့ တွေ့ဆုံယှဉ်ပြိုင်ကြမည်ဖြစ်ကြောင်း သိရပါတယ်။
