Squid game နှင့် Train to Busan မင်းသမီးကြီး လီချိုရှေး ကွယ်လွန်
Squid game နှင့် Train to Busan မှမင်းသမီးကြီး လီချိုရှေးသည် ဖေဖော်ဝါရီလ ၃ ရက်နေ့တွင် ကွယ်လွန်သွားပြီ ဖြစ်ကြောင်း ၎င်း၏အေဂျင်စီ 1230 culture ကအတည်ပြုပြောကြားခဲ့သည်။
မင်းသမီးကြီးသည် ကွယ်လွန်ချိန်၌ အသက် ၈၁ နှစ်အရွယ်ရှိပြီဖြစ်ကာ ၎င်း၌ ၁၉၉၃ ခုနှစ်တွင် ရင်သားကင်ဆာ အဆင့် (၃) ကိုစစ်ဆေးတွေ့ရှိခဲ့ပြီး ကွယ်လွန်ချိန်တွင် အစာအိမ်ကင်ဆာကိုပါခံစားနေရသည်ဟုလည်းသိရသည်။ “လွန်ခဲ့တဲ့ သုံးလ လောက်ကတည်းက မင်းသမီးရဲ့ ကျန်းမာရေးအခြေအနေက ဆိုးရွားကျဆင်းသွားပြီး ဆေးရုံမှာ စစ်ဆေးမှုခံယူ ပြီးနောက် အစာအိမ်ကင်ဆာ ဖြစ်နေကြောင်းတွေ့ရှိခဲ့ရပါတယ်” ဟုလည်း သူကဆိုသည်။
မစ္စလီ ကို ၁၉၄၄ ခုနှစ်တွင်မွေးဖွားခဲ့သည်။ သူ သည် စတိတ်ရှိုး၊ ရုပ်ရှင်၊ရုပ်မြင်သံကြားနှင့် ကိုရီးယားဒရာမာများတွင် ပါဝင်သရုပ်ဆောင်ခဲ့ပြီး အနုပညာလောကတွင် ဆယ်စုနှစ်ငါးခုကျော်ကြာရပ်တည်လုပ်ကိုင်ခဲ့သူတစ်ဦးလည်းဖြစ်သည်။
