နေပြည်တော်တွင် ဇလပ်ဝါပလာဇာ ဖွင့်လှစ်ခဲ့
၂၀၂၄ ခုနှစ် ၊ သြဂုတ်လ ၃၀ ရက်
နေပြည်တော်၊ ဥတ္တရသီရိမြို့၊ မန္တလေးလမ်းနှင့်ဇလပ်ဝါလမ်းထောင့်တွင် ဇလပ်ဝါပလာဇာ ကို ယနေ့ သြဂုတ်လ ၃၀ ရက် နံနက်က ဖွင့်လှစ်ခဲ့ကြောင်း သိရသည်။
ယင်းပလာဇာတွင် စားသောက်ကုန်၊ လူသုံးကုန်၊ ဆေးနှင့်ဆေးပစ္စည်း၊ ကျောက်မျက်ရတနာ၊ အဝတ်အထည်၊ စာရေးကိရိယာ၊ နိုင်ငံခြားအစားအစာနှင့်ရိုးရာအစားအသောက်များ၊ Cosmetic ဆိုင်ရာများ၊ အမှတ်တရ လက်ဆောင်ပစ္စည်းအရောင်းဆိုင် များ၊ ကျန်းမာရေးအထောက်အကူပြုစက်ပစ္စည်းများ၊ အီလက်ထရော နစ်ပစ္စည်းများကို တစ်နေရာတည်း၌ ပြီးပြည့်စုံစွာ ဝယ်ယူနိုင်မည် ဖြစ်ကြောင်း သိရသည်။
ယင်းအပြင် ခေတ်မီကလေး ကစားကွင်းများ ပါဝင် ကာ အခမ်းအနားများပြုလုပ်နိုင်သည့်ခန်းမ လည်းပါဝင်ပြီး နေ့စဉ် နံနက် ၉ နာရီမှ ည ၉ နာရီအထိ ပိတ်ရက်မရှိ ဖွင့်လှစ်မည်ဖြစ်ကြောင်း သိရသည်။ ယင်းပလာဇာနှင့်အတူ မြန်မာ့စီးပွားရေးဦးပိုင် အများနှင့် သက်ဆိုင်သောကုမ္ပဏီလီမိတက် (ရုံးချုပ်) အဆောက်အဦကိုလည်း ဖွင့်လှစ်ခဲ့ကြောင်း သိရသည်။
