ပါကစ္စတန်စစ်တပ်က အာဖဂန်နစ္စတန်ကို လေကြောင်းတိုက်ခိုက်မှုပြုလုပ်၊ အရပ်သားအများအပြား သေဆုံး
အောက်တိုဘာလ ၁ ရက်၊ ၂၀၂၆
ပါကစ္စတန်စစ်တပ်သည် အောက်တိုဘာလ ၁ ရက်တွင် အာဖဂန်နစ္စတန်နိုင်ငံ ဟဲလ်မန်းပြည်နယ်နှင့် အရှေ့ပိုင်း ကူနားပြည်နယ်တို့အား လေကြောင်းမှ တိုက်ခိုက်ခဲ့သဖြင့် အမျိုးသမီးများနှင့် ကလေးငယ်များ အပါအဝင် အရပ်သား ၉ ဦး သေဆုံးကာ ၁၁ ဦး ဒဏ်ရာရရှိခဲ့ကြောင်း တာလီဘန်အစိုးရက ပြောကြားလိုက်ပါတယ်။
တာလီဘန်အစိုးရ ပြောရေးဆိုခွင့်ရှိသူ ဇာဘီဟူလာ မူဂျာဟစ်၏ ပြောကြားချက်အရ အဆိုပါ လေကြောင်းတိုက်ခိုက်မှုများကြောင့် အရပ်သား ထိခိုက်သေဆုံးမှုများအပြင် နေအိမ် ၃ လုံးလည်း ပျက်စီးခဲ့ရကြောင်း သိရပါတယ်။
ပါကစ္စတန်အစိုးရဘက်ကမူ တိုက်ခိုက်ခဲ့သည့် နေရာအသေးစိတ်ကို ထုတ်ဖော်ပြောကြားခြင်း မရှိသော်လည်း အာဖဂန်နစ္စတန်နယ်စပ်အတွင်းရှိ စစ်သွေးကြွများကို ပစ်မှတ်ထား၍ ကြိုတင်ပြင်ဆင် ချိန်ဆတိုက်ခိုက်ခဲ့ခြင်းဖြစ်ကြောင်း အတည်ပြုထုတ်ပြန်ထားပါတယ်။
source:AFP
