ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတအား ကမ္ဘောဒီးယားနိုင်ငံ နိုင်ငံတော်ယာယီအကြီးအကဲ ဆမ်ဒက်ဟွန်ဆင်က ဂုဏ်ပြုကြိုဆို
စက်တင်ဘာလ ၁၁ ရက်၊ ၂၀၂၆
ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် (State Visit) ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတ ဦးဆောင်သည့် မြန်မာအဆင့်မြင့် ကိုယ်စားလှယ်အဖွဲ့အား ကမ္ဘောဒီးယားနိုင်ငံ အထက်လွှတ်တော်ဥက္ကဋ္ဌ (နိုင်ငံတော် ယာယီအကြီးအကဲ) ဆမ်ဒက်ဟွန်ဆင်က ယနေ့ စက်တင်ဘာ ၁၁ ရက် နံနက်ပိုင်းတွင် ကမ္ဘောဒီးယားနိုင်ငံ၊ အထက်လွှတ်တော်ရှိ ညီညွတ်ရေးနန်းတော်၌ နိုင်ငံတော်အဆင့် ဂုဏ်ပြုကြိုဆိုပွဲ အခမ်းအနားဖြင့် လှိုက်လှဲစွာ ကြိုဆိုခဲ့ပါတယ်။
အခမ်းအနား ကျင်းပရာနေရာသို့ နိုင်ငံတော်သမ္မတ ရောက်ရှိလာစဉ် ကမ္ဘောဒီးယားနိုင်ငံ နိုင်ငံတော် ယာယီအကြီးအကဲက လှိုက်လှဲနွေးထွေးစွာ ကြိုဆိုခဲ့ပြီး နှစ်နိုင်ငံ ခေါင်းဆောင်များသည် အလေးပြုခံစင်မြင့်တွင် နေရာယူကာ ဂုဏ်ပြုတပ်ဖွဲ့၏ နှစ်နိုင်ငံ နိုင်ငံတော်သီချင်း တီးမှုတ်ဂုဏ်ပြု အလေးပြုခြင်းကို လက်ခံရယူခဲ့ကြကြောင်း သိရပါတယ်။
SOURCE: HOS
