ယာယီသမ္မတ ဦးမြင့်ဆွေ၏ နိုင်ငံတော်အဆင့်ဈာပန အခမ်းအနားကို ဩဂုတ် ၁၁ ရက်၌ပြုလုပ်မည်
ယာယီသမ္မတ ဦးမြင့်ဆွေ၏နိုင်ငံတော်အဆင့် ဈာပန အခမ်းအနားကို ဩဂုတ် ၁၁ ရက်၊ နေ့လယ် ၁ နာရီခွဲအချိန်တွင် စတင်ပြုလုပ်မည်ဖြစ်သည်ဟု သိရသည်။ စျာပနအစီအစဉ်အရ ယာယီသမ္မတ ဦးမြင့်ဆွေ၏ ရုပ်ကလာပ်ကို အမှတ် (၂) တပ်မတော်ဆေးရုံကြီး ခုတင် (၁,၀၀၀)မှ တပ်မတော်စစ်သင်္ချိုင်းကို ပို့ဆောင်မီးင်္သဂြိုဟ်သွားမည်လည်း ဖြစ်သည်။
နိုင်ငံတော်အဆင့်ပြုလုပ်မည့် ယာယီသမ္မတ ဦးမြင့်ဆွေ၏ ဈာပနအခမ်းအနားကို နိုင်ငံတော်ဝန်ကြီးချုပ် ဦးညိုစော ဦးဆောင်ပြုလုပ်မည်လည်း ဖြစ်သည်။ အခမ်းအနားကျင်းပရေးဦးစီးကော်မတီ ဒုတိယဥက္ကဋ္ဌ (၁)သည် ပြည်ထဲရေးဝန်ကြီးဒုတိယဗိုလ်ချုပ်ကြီးထွန်းထွန်းနောင်ဖြစ်ပြီး ဒုတိယဥက္ကဋ္ဌ (၂)သည် ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီးကျော်စွာလင်းလည်း ဖြစ်သည်။
လုပ်ငန်းကော်မတီ (၁၁) ခုအထိ ဖွဲ့စည်းထားပြီး ကော်မတီဝင်များထဲ ပြည်ထောင်စုဝန်ကြီးများနှင့် ဒုတိယဝန်ကြီးများလည်းပါဝင်ထားသည််ကို သိရသည်။
