Miss Universe Myanmar 2025 ပြိုင်ပွဲတွင် အလှမယ် ၃၅ ဦး ဝင်ရောက်ယှဉ်ပြိုင်မည်

၁၂ ကြိမ်မြောက် Miss Universe Myanmar 2025 ပြိုင်ပွဲကြီးမှာ တိုင်းဒေသကြီးနှင့် မြို့အသီးသီးကို ကိုယ်စားပြုထားသည့် အလှမယ် ၃၅ ဦး က ပါဝင်ယှဉ်ပြိုင်မယ်လို့ မေ ၂၁ ရက်၊ မွန်းလွဲ ၃ နာရီက ရန်ကုန်မြို့ Novotel Hotel မှာ ကျင်းပခဲ့တဲ့ မိတ်ဆက်ပွဲမှ သိရပါတယ်။

Miss Universe Myanmar 2025 ပြိုင်ပွဲရဲ့ Grand Final ပွဲကို လာမယ့် ဇွန်လ ၂၇ရက်မှာ ကျင်းပသွားမှာဖြစ်ပြီး Miss Universe Myanmar 2025 Winner ဆုရရှိတဲ့ အလှမယ်ကို နဝရတ်သရဖူကို ချီးမြှင့် ပေးအပ်သွားမှာဖြစ်ပါတယ်။ အဆိုပါ နဝရတ်ကိုးပါးသရဖူအား စိန်နန်းတော် စိန်ရွှေရတနာဆိုင်မှ Crown Sponsor အဖြစ် ပံ့ပိုးပေးထားကြောင်းသိရပါတယ်။