မြဝတီမှာမိုးသည်းထန်စွာရွာသွန်းသဖြင့်ရေကြီးနေ
ကရင်ပြည်နယ်၊ မြဝတီမြို့တွင် မိုးသည်းထန်စွာ ရွာသွန်းသဖြင့် တစ်မြို့လုံးနီးပါး ရေကြီးနေတယ်လို့သိရပါတယ်။ ဇွန်လ ၈ ရက်နေ့ ညသန်းခေါင်ယံချိန်မှစတင်ပြီး ယနေ့ နံနက်ပိုင်းအထိ မိုးများ သည်းထန်စွာ ရွာသွန်းခဲ့သဖြင့် မြ၀တီမြို့နေရာ အများစု တွင် ရေကြီးနေပြီး လတ်တလော ရေဘေးကြောင်း ပြောင်းရွှေ့ရသူမရှိသော်လည်း သွားလာရေးအခက်အခဲ ဖြစ်နေတယ်လို့ သိရပါတယ်။
အဆိုပါ ရေကြီးရေလျှံမှုကြောင့် မြဝတီမြိုပေါ်ရှိ အဓိကလမ်းမကြီးအချိုနှင့် မြေနိမ့်ပိုင်းရပ်ကွက်ရှိ လမ်းများရေလျှံခဲ့ခြင်း ဖြစ်ကြောင်း သိရသည်။ ယနေ့ နံနက်ပိုင်း (၉)နာရီ ခွဲအချိန်တွင်တိုင်းတာမှုများအရ သောင်ရင်းမြစ်ရေသည် မြဝတီမြို့၏ စိုးရိမ်ရေမှတ်အောက် (၂)ပေကျော်တွင်ရောက်ရှိနေပါသည်။
