အရန်တပ်ဖွဲ့နည်းဉပဒေများကို ယနေ့ ရက်စွဲဖြင့် ထုတ်ပြန်ကြေညာ
ပြည်ထောင်စုသမ္မတ မြန်မာနိုင်ငံတော်အစိုးရ ကာကွယ်ရေးဝန်ကြီးဌာနသည် ၂၀၂၄ ခုနှစ် မတ်လ ၁၀ ရက်တွင် အမိန့်ကြော်ငြာစာအမှတ် ၂/၂၀၂၄ ဖြင့် အရန်တပ်ဖွဲ့နည်းဉပဒေများကို ထုတ်ပြန်ကြေညာလိုက်ပါသည်။
အဆိုပါ နည်းဥပဒေများတွင် အခန်း (၇)ခန်း၊ နည်းဉပဒေအပိုဒ်ပေါင်း (၂၇) ပိုဒ်၊ နောက်ဆက်တွဲပုံစံ (၈)ခုဖြင့် ဖော်ပြထားပြီး အခန်း(၁) တွင် အမည်နှင့် အဓိပ္ပာယ်ဖွင့်ဆိုချက်များ၊ အခန်း(၂) တွင် အရန်တပ်ဖွဲ့ဝင် စစ်မှုထမ်းရန်ကာလ၊ အခန်း (၃) တွင် အရန်တပ်ဖွဲ့ဝင် ဆင့်ခေါ်ရေးအဖွဲ့ အဆင့်ဆင့် ဖွဲ့စည်းခြင်းနှင့် လုပ်ငန်းတာဝန်များ၊ အခန်း(၄) တွင် မှတ်ပုံတင်ခြင်း၊ ဆေးစစ်ဆေးခြင်းနှင့် အရန်တပ်ဖွဲ့ဝင်အဖြစ် စစ်မှုထမ်းခြင်းတို့အတွက် ဆင့်ခေါ်ခြင်း၊ အခန်း (၅) တွင် ဆေးစစ်ဆေးရေးဘုတ် အဖွဲ့ ဖွဲ့စည်းခြင်းနှင့် လုပ်ငန်း တာဝန်များ၊ အခန်း(၆) တွင် အကျိုးခံစားခွင့်၊ သတ်မှတ်ချီးမြှင့်ခြင်း၊ အခန်း(၇) တွင် အထွေထွေ ပြဋ္ဌာန်းချက်တို့ ပါရှိကြောင်း သတင်းရရှိပါသည်။
