ဓနုဖြူ-ရန်ကုန်ကားလမ်း ယာဉ်(၂)စီးတိုက်မိပြီး (၁)ဦး သေဆုံး၊ (၁)ဦး ထိခိုက် ဒဏ်ရာရရှိ
ဧရာဝတီတိုင်းဒေသကြီး၊ ဓနုဖြူ-ရန်ကုန်ကားလမ်း၊ မိုင်တိုင်အမှတ် (၁၄/၂)နှင့် (၁၄/၃)ကြားတွင် NISSAN အမျိုးအစား (ဖြူနီရောင်) ကုန်တင်ယာဉ်နှင့် ဆီဘောက်ဆာယာဉ်တို့ မျက်နှာချင်းဆိုင်တိုက်မိကြောင်း ပုဏ္ဏမာလူမှုကူညီရေးအသင်းမှ သိရှိရပါသည်။
၂၉.၁.၂၀၂၄ ရက်နေ့၊ ၀၆ ၄၀ အချိန်ခန့်က ဖြစ်ပွားခဲ့ပြီး ဓနုဖြူမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ကယ်ဆယ်ရေးလုပ်ငန်းများ သွားရောက်ကူညီပေးခဲ့ခြင်းဖြစ်ကြောင်း သိရှိ ရပါသည်။
အဆိုပါဖြစ်စဉ်ကြောင့် ဆီဘောက်ဆာယာဉ်ပေါ်ပါ ယာဉ်မောင်း ကျား(၁)ဦး(သေဆုံး)နှင့် ယာဉ်နောက်လိုက် ကျား(၁)ဦး ထိခိုက်ဒဏ်ရာ(စိုးရိမ်ရ)တို့အား ပုဏ္ဏမာလူမှုကူညီရေးအသင်းမှ သူနာတင်ယာဉ်ဖြင့် ဓနုဖြူမြို့နယ်ပြည်သူ့ဆေးရုံသို့ ကူညီပို့ဆောင်ပေးခဲ့ပါသည်။
