ပင်လောင်းမြို့နယ်တွင် ယာယီနေစွန့်ခွာ ပြည်သူ (၃၃၀)ဦး တို့အား ထောက်ပံ့ငွေများ ပေးအပ်
ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့နယ်တွင် ယာယီနေရပ်စွန့်ခွာပြည်သူ အသက် ၇၀ နှစ်အထက် ဘိုးဘွားများ၊ အသက် ငါးနှစ်အောက် ကလေးငယ်များ၊ ကိုယ်ဝန်ဆောင်မိခင်များနှင့် မသန်စွမ်းသူများအား ထောက်ပံ့ငွေများကို မနေ့က ပေးအပ်ခဲ့ကြောင်း သိရသည်။
ထိုသို့ထောက်ပံ့ငွေများ ပေးအပ်ရာတွင် ယာယီနေရပ်စွန့်ခွာ ပြည်သူများမှ အသက် ၇၀ နှစ်အထက် ဘိုးဘွား (၁၃၇)ဦး၊ အသက်ငါးနှစ်အောက် ကလေးငယ်(၁၆၉)ဦး၊ ကိုယ်ဝန်ဆောင်မိခင် (၁၄)ဦးနှင့် မသန်စွမ်း(၁၀)ဦး၊ စုစုပေါင်း (၃၃၀)ဦးတို့အား တစ်ဦးလျှင် ငွေကျပ်သုံးသောင်းနှုန်းဖြင့် စုစုပေါင်းငွေကျပ် (၉,၉၀၀,၀၀၀)သိန်း ထောက်ပံ့ပေးခဲ့ကြောင်း သိရသည်။
အဆိုပါ ထောက်ပံ့ငွေများကို မြို့နယ်လူမှုဝန်ထမ်းဦးစီးဌာနမှ ဦးစီးမှူးနှင့်ဝန်ထမ်းများ၊ မြို့နယ်အထွေထွေ အုပ်ချုပ်ရေးဦးစီးဌာနမှ ဒုတိယဦးစီးမှူးတို့က ရပ်ကွက်/ကျေးရွာအုပ်စု စာရေးဝန်ထမ်းများနှင့် ယာယီနေရပ်စွန့်ခွာ ပြည်သူများထံသို့ ပေးအပ်ခဲ့ကြောင်း သိရသည်။
