ကျောက်ဆည်မြို့တွင် ငွေကျပ်သိန်းပေါင်း ၁၄၀၀ ကျော် တန်ဖိုးရှိ ထိန်းချုပ်ဓာတုပစ္စည်းများအား မြေမြှုပ်ဖျက်ဆီး
မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့၊ အင်ဒိုင်းကျေးရွာ၊ မင်းမွေးတောင်သုဿန်တွင် တန်ဖိုးငွေကျပ် (၁၄၆၁၆၆၀၀၀) ရှိ ထိန်းချုပ်ဓာတုပစ္စည်းများဖြစ်သော အက်စီတုန်း၊ တော်လူးအင်း၊ ဆာဖြူရစ်အက်စစ်များအား ယနေ့နံနက် (၁၀) နာရီအချိန်က မြေမြှုပ်ဖျက်ဆီးခဲ့ကြောင်း သိရသည်။
အဆိုပါ ဓာတုပစ္စည်းများသည် ကျောက်ဆည်မြို့မရဲစခန်းမှ မယ(ပ)၃/၂၀၂၃၊ မူးယစ်ဆေးဝါးနှင့် စိတ်ကိုပြောင်းလဲစေနိုင် သော ဆေးဝါးများဆိုင်ရာ ဥပဒေပုဒ်မ-၁၆(ခ)မှ ဖမ်းဆီးရမိသော ပစ္စည်းများဖြစ်သည်။
ထိန်းချုပ်ဓာတုပစ္စည်းများတွင် (၁၇၀) လီတာခန့်ပါရှိသော အက်စီတုန်းသံပေပါ (၁၁၂) ပေပါ၊ ခန့်မှန်းတန်ဖိုး (၆၆၆၄၀၀၀၀) ကျပ်၊ (၁၇၀) လီတာခန့်ပါရှိသော တော်လူအင်းသံပေပါ (၃၃) ပေပါ၊ ခန့်မှန်းတန်ဖိုး (၇၈၅၄၀၀၀၀) ကျပ်၊ (၁၇)လီတာခန့် ပါရှိသော ဆာဖြူရစ်အက်စစ် ပလပ်စတစ်ပုံး (၅၈) ပုံး၊ ခန့်မှန်းတန်ဖိုးငွေ (၉၈၆၀၀၀) ကျပ်၊ စုစုပေါင်း (၁၄၆၁၆၆၀၀၀) ဖြစ်ကြောင်း သိရသည်။
