ရန်ကုန်တိရစ္ဆာန်ဥယျာဉ်တွင် ဆင်မကြီးမိုမို၏ အသက် ၇၀ ပြည့် မွေးနေ့အထိမ်းအမှတ် ပြုလုပ်
ရန်ကုန်တိရစ္ဆာန်ဥယျာဉ်တွင် ဆင်မကြီးမိုမို၏ အသက် ၇၀ ပြည့် မွေးနေ့အထိမ်းအမှတ်ကို အောက်တိုဘာ ၂၉ ရက် နံနက်ပိုင်းက အဆိုပါ တိရစ္ဆာန်ဥယျာဉ်အတွင်း ပြုလုပ်ခဲ့ကြောင်းသိရသည်။
(၃)ရက်တာ ကျင်းပသော မွေးနေ့ပွဲရဲ့ ယနေ့မှာတော့ ဆင်မကြီးမိုမိုအတွက် တိရစ္ဆာန်ဥယျာဉ်(ရန်ကုန်) ရှိ ဆင်အပေါင်း အပါများနဲ့အတူ သစ်သီးကိတ်ခွဲခြင်း၊ ရှမ်းရိုးရာတိုးနယားအက၊ မြန်မာရိုးရာအကအလှ၊ Soe San Entertainment မှ ဖျော်ဖြေတင်ဆက်မှုများ၊ Black Diamond Dancer Groupရဲ့ မြူးမြူးကြွကြွကပြတင်ဆက်မှုများအပြင် နာမည်ကျော် ဆယ်လီများနှင့် Upstroke Music Bandရဲ့သီဆိုဖျော်ဖြေမှုများဖြင့် ဧည့်ခံဖျော်ဖြေဆင်နွှဲခဲ့ကြောင်းသိရှိရပါသည်။
ဆင်မကြီးမိုမိုရဲ့ ၇၀ နှစ်ပြည့် မွေးနေ့အထိမ်းအမှတ်ပွဲရဲ့နောက်ဆုံးနေ့ဖြစ်တဲ့ မနက်ဖြန်မှာတော့ Nom Nom Noodles မှ Games Program များ ပြုလုပ်မည်ဖြစ်ကြောင်း သိရှိရပါတယ်။
