အင်းလေးဖောင်တော်ဦးဘုရား ဒေသစာရီကြွချီပူဇော်ခံပွဲတော် အောက်တိုဘာ ၁၂ ရက်တွင် စတင်မည်
စက်တင်ဘာလ ၅ ရက်၊ ၂၀၂၆
ရှမ်းပြည်နယ်တောင်ပိုင်း၏ ရက်အရှည်ကြာဆုံး ပွဲတော်တစ်ခုဖြစ်သည့် အင်းလေးဖောင်တော်ဦးမြတ်စွာဘုရား ဒေသစာရီကြွချီပူဇော်ခံပွဲတော်ကို လာမည့် အောက်တိုဘာ ၁၂ ရက်မှ ၂၉ ရက် (၁၃၈၈ ခုနှစ်၊ သီတင်းကျွတ်လဆန်း ၁ ရက်မှ သီတင်းကျွတ်လပြည့်ကျော် ၃ ရက်) အထိ ၁၈ ရက်တိုင်တိုင် အစဉ်အလာမပျက် ကျင်းပသွားမည်ဖြစ်ကြောင်း သိရပါတယ်။
ယခုနှစ် ပွဲတော်တွင် ဖောင်တော်ဦးရုပ်ရှင်တော်မြတ်စွာဘုရား ၄ ဆူသည် အင်းလေးဒေသရှိ ၂၁ ဌာနစလုံးသို့ အပြည့်အဝ ဒေသစာရီ ကြွချီပူဇော်ခံမည်ဖြစ်ပြီး၊ အနယ်နယ်အရပ်ရပ်မှ ဘုရားဖူးပြည်သူများ စည်ကားသိုက်မြိုက်စွာ လာရောက်ကြမည်ဖြစ်ကြောင်း ဘုရားဂေါပကအဖွဲ့နှင့် ဒေသခံများ၏ ပြောကြားချက်အရ သိရပါတယ်။
