ပြစ်ဒဏ်ကျခံနေရသည့် ဒေါ်အောင်ဆန်းစုကြည်သည် သတ်မှတ်ထားသောနေအိမ်၌ ကျန်းမာပျော်ရွှင် လျက်ရှိ
ဩဂုတ် ၄၊ ၂၀၂၆
ပြည်ထောင်စုသမ္မတမြန်မာနိုင်ငံတော် အစိုးရသည် ပြစ်ဒဏ်ကျခံလျက်ရှိသည့် ဒေါ်အောင်ဆန်းစုကြည်အား ရာဇဝတ်ကျင့်ထုံး ဥပဒေပုဒ်မ ၅၄၁၊ ပုဒ်မခွဲ (၁) အရ ၂၀၂၆ ခုနှစ် ဧပြီလ ၃၀ ရက်နေ့တွင် ကျခံရန်ကျန်ရှိသည့် ပြစ်ဒဏ်များကို သတ်မှတ်ထားသောနေအိမ်၌ ဆက်လက်ကျခံစေရန် ပြောင်းလဲသတ်မှတ်ပေးခဲ့ပါတယ်။
ယမန်နေ့ ဩဂုတ်လ ၃ ရက်နေ့ နံနက်ပိုင်းတွင် ဒေါ်အောင်ဆန်းစုကြည်ကို အပြည်ပြည်ဆိုင်ရာ ကြက်ခြေနီကော်မတီ (ICRC) မှ မြန်မာနိုင်ငံဆိုင်ရာ ဌာနေကိုယ်စားလှယ်ဖြစ်သူ Mr. Arnaude de Baqque က လာရောက်တွေ့ဆုံခဲ့တယ်။ ဒေါ်အောင်ဆန်းစုကြည်သည် အာဏာရှိစဉ်က အဂတိလိုက်စားမှုများ ကျူးလွန်ခဲ့ခြင်းကြောင့် ပြစ်ဒဏ်ကျခံနေရခြင်းဖြစ်ပြီး နိုင်ငံတော်မှ ပြစ်ဒဏ်အချို့ကို လျှော့ပေါ့ပေးထားတယ်။
ဒေါ်အောင်ဆန်းစုကြည်သည် အဆိုပါ ကောင်းမွန်စွာထားရှိသော နေအိမ်(တိုက်)တွင် ကျန်းမာရွှင်လန်းစွာဖြင့် ယခင်နှစ်များကဲ့သိုပင် မွေးနေ့ပွဲများကျင်းပခြင်း၊ မွေးနေ့ကိတ်များခွဲခြင်းများဆောင်ရွက်လျက်ရှိပြီး ကျန်းမာပျော်ရွှင်လျက်ရှိကြောင်း သတင်းရရှိပါတယ်။
