တီယန်ကျင်းမြို့ရှိ တီယန်ကျင်းဆိပ်ကမ်းသို့ ယာယီသမ္မတ နိုင်ငံတော်လုံခြုံရေး နှင့် အေးချမ်းသာယာရေးကော်မရှင် ဥက္ကဋ္ဌ သွားရောက်လေ့လာ
ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် သည် တီယန်ကျင်းမြို့ရှိတီယန်ကျင်းဆိပ်ကမ်း သို့ သွားရောက်လေ့လာခဲ့သည်။
ယနေ့(စက်တင်ဘာ ၁ ရက်) ဒေသစံတော်ချိန် ၉ နာရီခွဲအချိန်ခန့်တွင် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ဦးဆောင်သော အဆင်မြင့်ကိုယ်စားလှယ် အဖွဲ့သည် တရုတ်နိုင်ငံ၊ တီယန်ကျင်းမြို့ရှိ တီယန်ကျင်းဆိပ်ကမ်းသို့ သွားရောက်လေ့လာခဲ့ကြခြင်း ဖြစ်သည်။
အဆိုပါဆိပ်ကမ်းသို့ရောက်ရှိချိန်တွင် ဆိပ်ကမ်းတာဝန်ရှိသူများက ဆိပ်ကမ်း နှင့်ပတ်သက်၍ ဆောင်ရွက်မှုများအား ရှင်းလင်းတင်ပြခဲ့ကြသည်။
