နေပြည်တော် ရှိ ငလျင်ဒဏ်သင့် MICC1 နှင့် ရန်အောင်မြင်ဆည် သို့ နစကဥက္ကဋ္ဌ သွားရောက်ကြည့်ရှု
နစက ဥက္ကဋ္ဌသည် မန္တလေးငလျင်ကြီးဒဏ်ကြောင့် ပျက်စီးမှုအနည်းငယ်ဖြစ်ပေါ်ခဲ့သည့် MICC-1 ပင်မအဆောက်အအုံအဝင်မျက်နှာကြက်ထိခိုက်ပျက်စီးမှုများ၊ ကျောက်စိမ်းခန်းမ၊ ပတ္တမြားခန်းမ၊ မြခန်းမတို့၏ မျက်နှာကြက်ပျက်စီးမှုများနှင့် အစည်းအဝေးခန်းမများ၊ နံရံများအနည်းငယ်ကွဲအက်နေမှုနှင့် ပျက်စီးမှုအချို့အားကြည့်ရှု စစ်ဆေးခဲ့သည်။
ဒက္ခိဏသီရိမြို့နယ်ရှိ ရန်အောင်မြင်ဆည်တွင် ငလျင်ဒဏ်ကြောင့် ကုန်း ချောတမံအက်ကွဲကြောင်းများအား ယာယီပြုပြင်ထားရှိမှု၊ အက်ကွဲကြောင်းများအတွင်း သဲနှင့်မြေသားဖြည့်ခြင်းလုပ်ငန်းဆောင်ရွက်နေမှုများနှင့် မြေသားစစ်ဆေးခြင်းလုပ်ငန်းဆောင်ရွက်နေမှုတို့ကိုကြည့်ရှုစစ်ဆေးပြီးနောက် ထိခိုက်မှုရှိခဲ့သည့် ကုန်းချောတမံပြန်လည်ပြုခြင်းလုပ်ငန်းကို မိုးရာသီမတိုင်မီပြီးစီးအောင်ဆောင်ရွက်ရန်၊ ရေဝေရေလဲသစ် တောများအား စိမ်းစိုသည်အထိဆောင်ရွက်ရန်၊ စိုက်ပျိုးထားသည့်သစ်ပင်များအား ရှင်သန်အောင်ပြုပြင်ထိန်းသိမ်းရန်မှာကြားခဲ့သည်။
