ကရင်ပြည်နယ်၏ အထင်ကရ ဇွဲကပင်တောင်တွင် နှစ်စဥ်ကြုံတွေ့လေ့ရှိသည့် တောမီးလောင်ကျွမ်းနေ
ကရင်ပြည်နယ်၊ ဘားအံမြို့ရှိ ပြည်နယ်အထင်ကရဖြစ်သည့် ဇွဲကပင်တောင်တွင် နှစ်စဥ်ကြုံတွေ့နေကြဖြစ်သော တောမီးလောင်ကျွမ်းမှု ယမန်နေ့ မတ် ၂၃ ရက်ညနေပိုင်းမှစတင်ကာ လောင်ကျွမ်းမှုများဖြစ်ပေါ်လျက်ရှိကြောင်း ဒေသခံများထံမှ သိရသည်။
” ဇွဲကပင်တောင်မှာ ဒီလိုရက်တွေရောက်လာပြီဆိုရင် တောမီးလောင်တာက နှစ်စဥ်ဖြစ်နေကြပါ။ လတ်တလောကတော့ တောင်ပေါ်မှာရှိတဲ့ ဘုန်းကြီးကျောင်းတွေကိုဆက်သွယ်ပြီး အခြေအနေတွေမေးကြည့်ဖို့ကြိုးစားပေမယ့် ဆက်သွယ်လို့မရသေးဘူးဖြစ်နေတယ်။
စိတ်တော့ပူရတာပေါ့။ နောက်ထပ်ကြားရသလောက်ဆိုရင် တောင်တက်ခရီးသွားတစ်ချို့ရှိတယ်လို့သိရတယ်”ဟု ဒေသခံတစ်ဦးက ပြော သည်။ ဇွဲကပင်တော်ပေါ်၌ နေ့လည် ၃ နာရီခွဲအချိန်ခန့်မှစတင်ကာ ဝိဇ္ဇာညီနောင်နှင့် နွားလဘို့လျှိုအတွင်းတို့မှ တောမီးစလောင်ခဲ့ခြင်းဖြစ်သည်ကို မြင်တွေ့ခဲ့ရကြောင်း ဒေသခံများထံမှ သိရသည်။
